Friday, August 21, 2009

Mga Awit Para Sa Buwan Ng Wika: Ikalawang Bahagi (Ano Ba Ang Makabuluhang Pagmamahal?)

Katulad ng aking pangako ay inihahandog ko ang pangalawang bahagi ng ating tugtugan.

Kasama sa aking handog ang isang tanong na magpasahanggang ngayon ay walang tiyak na kasagutan para sa akin.

Ano ba ang makabuluhang pagmamahal? (To rephrase in a more universally spoken language, what is a purposeful kind of love?)

Itinatanong ko ito sapagkat maraming uri ng pagmamahal, maraming nag-aakala na makabuluhan ang kanilang pagmamahal, at maraming nagiging biktima ng inaakala nilang pagmamahal.

Tunay nga bang pagmamahal ang maging mapagpatawad sa ama, ina, o asawang nambubugbog?

Pagmamahal nga ba ang tawag kung gusto lang wakasan ng isang kaibigan ang inyong pagtatalo na walang naging tiyak na kalutasan, dahil ayaw lang niya ng diskusyon?

Paano ba ang magmahal sa bayan kung ito ay salamin ng kalabisan at kawalang-bahala ng kanyang mga supling?

Lubos ka bang nagmamahal kung handa kang mamatay para sa iyong paniniwala, o isa ba itong kahibangan o dili kaya ay kakulangan sa pagmamahal sa sarili?

Paano ba ang magmahal sa mga bagay na hindi nakikita ng iyong mga mata o nararamdaman ng iyong puso?

Katulad ng aking tinuran, mahirap sagutin ng tumpak ang mga tanong na ito. Isa ito sa mga "doble-karang" katotohanan ng buhay: totoong mahirap sagutin ang anumang katanungan tungkol sa pagmamahal, subalit kailangan pa ring magkaroon ng katanggap-tanggap na kasagutan. Dahil kung wala .... marahil ay lagi na lamang luhaan ang buong sanlibutan, at malamang, kahit saan ka bumaling ay bumabagyo, o umuulan ng niyebe, at wala kang masilungan.

At ano naman ang kinalaman nito sa Buwan ng Wika?

Ang isa pa kasi sa mga katanungan ko ay: paano ba ang magmahal sa sariling wika, kung sa totoo lamang ay hindi pa rin tunay na matukoy kung ano ba talaga ang ibig sabihin ng wikang Pilipino?

Lahat tayo ay may kanya-kanyang sagot diyan, subalit huwag nating kalimutan na isa itong paulit-ulit na isyu lalo pa kung tuwing sumasapit ang Buwan Ng Wika.

Eto ang mga awit para sa mga nagmamahal, para sa Buwan ng Wika. At para sa mga tagahanga ni G. Mel Maniego, ikinatutuwa kong sabihin sa inyo na kasama sa listahang ito ang isa sa mga orihinal na awit ng kanyang bandang The GoSignals, ang "Elisa". Makinig kayo!

1. POPONG LANDERO - "Buhay-Robot"
2. t.R.A. - "Kamalayan"
3. SIGNAL 3 - "Buhay Ko"
4. DONG ABAY - "Akrostik"
5. EINSTEIN CHAKRAS - "Hanggang Saan, Hanggang Kailan"
6. THE GOSIGNALS - "Elisa"

(nasa larawan: monumento ni Ninoy Aquino sa rally para kay Jun Lozada, The GoSignals)

Thursday, August 13, 2009

Mga Awit Para Sa Buwan Ng Wika: Unang Bahagi

Sa wakas! Nakawala ako sa sangkaterbang trabaho, bagama't panandalian lang. Hindi sa nagrereklamo ako (mas gugustuhin ko na hindi ako magkandaugaga sa trabaho, kesa naman sa walang ginagawa), marami lang talaga akong gusto at kailangan pang gawin.

Nagkaroon na naman ako ng dahilan para gumawa ng isang "All-Pinoy Playlist". Ang buwan ng Agosto ay ang itinalagang Buwan ng Wika o "Language Month". (Yun nga lamang, ano nga ba talaga ang wikang Pilipino? Para sa akin ay mas nababagay sa ibang blogsite o pulong ang mga diskusyon patungkol sa isyu na ito.) Eto ang unang bahagi ng kontribusyon ng Trash Radio Manila sa pagtanaw sa pagdiriwang ng Buwan ng Wika.


Mga awitin:

1. BUKLOD - "Tatsulok"
2. YFC - "Ugat Ng Kasamaan"
3. SKY CHURCH - "Delubyo"
4. DEAR DINGO - "Tumahimik Ka"
5. THE WUDS - "Patay Buhay"

Malamang ay kilala ninyo ang halos lahat ng nabanggit na mga banda. Kailangan pa bang ipakilala ang Buklod? (Eto lang naman kasi ang alam kong bersiyon ng "Tatsulok".) Ang bandang YFC (madali namang hulaan kung ano ang ibig sabihin ng pangalan nila) ay mula sa Imus, Cavite. Ang "Ugat Ng Kasamaan" ay halaw sa kompi album na "This Is Cavite Not LA".

Kung meron kayong "Unaware Unwarned" na album ay maaalala nyo ang kantang "Delubyo" ng Sky Church. Samantala, lumabas naman ang "Tumahimik Ka" ng bandang Dear Dingo (banda ng namayapang bokalista na si Vince Go) sa kompi na "Sa Silong Ng Mundo". Ang huling awitin ay ang walang kamatayang "Patay Buhay" ng The WUDS.

May pangalawang bahagi pa ito, medyo maikli lamang muna ang playlist (kasing-ikli ng kakayahan kong magtagalog ng maayos). Sana'y nagustuhan niyo ang hinanda ko para sa inyo. Kita kita ulit sa mga susunod na araw.

Mga larawan ni Manuel L. Quezon at The WUDS sa itaas.

Sunday, August 9, 2009

I Have Been Busy Beyond Belief...

...with things and concerns bigger than me and Trash Radio Manila, missed a few gigs and got this blog site in a temporary impasse in the process.

Should be posting in a couple of days, a respite from the crazy schedule. See you guys in a few and have a good week ahead.